პროექტის სახელწოდება: იოდდეფიციტური დაავადებები (ენდემური ჩიყვი)მთავარი თემა (იდეა): ამ პროექტით მოსწავლეები გაეცნობიან იოდდეფიციტით გამოწვეულ დაავადებების ისტორიას,დაავადებების გავრცელების ადგილებს საქართველოში,მის გამომწვევ მიზეზებს,იოდის საჭირო დოზებს (გამოთვლებს), პროფილაქტიკას, ჩაატარებენ კვლევებს ენდემურ ჩიყვზე.
პროექტის აქტუალობა: ჩიყვის პრობლემა აქტუალურია, განსაკუთრებით– მთიან რეგიონებში მათ შორის რაჭაში. (ადგილობრივი ენდოკრინოლოგის ინფორმაციით 70%დაავადებულია.) პროექტზე მუშაობით მოსწავლეები მიეჩვევიან ინფორმაციის მოძიებას, მონაცემების ორგანიზებას, დამოუკიდებელ კვლევებს, ამ კვლევებში გამოიყენებენ მიღებულ ცოდნას.
პროექტის მიზნები :პროექტის მიზანია იოდდეფიციტური დაავადებების შესახებ ინფორმაციის მოძიება დამუშავება, სოციოლოგიური კვლევების ჩატარება, ინდივიდუალური და ჯგუფური მუშაობის უნარ–ჩვევის განვითარება.მოსწავლე იკვლევს გარემო ფაქტორების ზეგავლენას ორგ–ის ჯანმრთელობაზე და მსჯელობს მდგრადი განვითარების მნიშვნელობის შესახებ. მოიძიებს ინფორმაციას საქართველოში იოდდეფიციტური დაავადებების კერების შესახებ,მონაცემები დააქვს რუკაზე და მსჯელობს დაავადების პროფილაქტიკის საშუალებებზე.მონაწილეთა ასაკი: 15წ.
ვადები /ხანგრძლივობა/: 2კვირა.
მოსალოდნელი შედეგები/ რაც შეიძლება შეიქმნას. ბავშვები გააცნობენ ინფორმაციას დაავადების შესახებ მოსახლეობას. საეჭვო სიმპტომების შემთხვევაში გაითვალისწინებენ და დაავადების თავიდან აცილების მიზნით კვების რაციონში შეიტანენ იოდის შემცველ პროდუქტებს.შეიქმნება ბუკლეტები, შეიქმნება ბლოგი, მოხდება პროექტის პრეზენტაცია.)
პროექტისათვის საჭირო ძირითადი რესურსები: სახელმძღვანელო IX კლასი. „იოდდეფიციტური დაავადებები“–სეხნიაშვილი, სვანიძე, გორდელაძე. კომპიუტერი, ინტერნეტი. თაბახის ფურცლები.
პროექტის მსვლელობა(ძირითადი აქტივობები): გონებრივი იერიში. დაასახელეთ იოდდეფიციტით გამოწვეული დაავადებები, სიმპტომები და გამომწვევი მიზეზები. შევიმუშავებთ გეგმას. გადავანაწილებთ მოვალეობებს. მოსწავლეები მოიძიებენ ინფორმაციას შესაბამის ინსტანციებში, ბიბლიოთეკაში, ინტერნეტში დაავადების გავრცელების ისტორიის,დაავადების მიმდინარეობის, ჰორმონთა დარღვევის, პროფილაქტიკური ღონისძიებების შესახებ. ინდივიდუალურად მცირე ტესტებით ჩაატარებენ გამოკვლევებს, დამზადდება ბუკლეტი, რომელსაც მოსახლეობას გააცნობენ. დაიდება ინტერნეტში.
საგნებთან /საგნობრივ ჯგუფებთან/ ეროვნულ სასწავლო გეგმასთან კავშირი: ისტორიასთან,გეოგრაფიასთან, მათემატიკასთან, ქიმიასთან, მედიცინასთან, ეროვნულ სასწ. გეგმას. მოსწავლე იკვლევს გარრემო ფაქტორების ზეგავლენას ორგ.–ის ჯანმრთელობაზე და მდგრადი განვითარების მნიშვნელობის შესახებ.მოიძიებს ინფორმაციას საქართველოში იოდდეფიციტურ დაავადებების კერების შესახებ, მონაცემები დააქვს რუკაზე და მსჯელობს დაავადების პრიფილაქტიკის საშუალებებზე.პროექტის ხელმძღვანელი: მანანა კობახიძე.
პროექტის ვებ–გვერდი/ბლოგი: mkobaxidze7.blogspot.com
